දේශ හිතෛෂී පෙරමුණේ නායක ගුණදාස අමරසේකර, ‘ක‍්‍රිකට් ක‍්‍රීඩාව ’ හඳුන්වන්නේ ක‍්‍රිකට් බෝගල සෙල්ලම නමිනි. ජනාධිපතිවරණයේ ප‍්‍රධාන පාර්ශ්වයන් දෙකම සොල්දාදුවන් ‘රණවිරුවන් ’ ලෙස නම් කර විකුණාගෙන කන බැවින් පහත සිද්ධිය වැදගත් යයි සිතමි. යුද හමුදාවේ කෝප‍්‍රල්වරයෙකු වූ අජන්ත මෙන්ඩිස් ක‍්‍රිකට් බෝල සෙල්ලමේ විකට් හයක් ලබා ගැනීම හේතුකොට ගෙන ඔහුව ලූතිනන් තනතුරකට ජනාධිපතිවරයා විසින් පත් කර තිබීම එකල රාජ්‍ය මාධ්‍ය මෙන්ම පෞද්ගලික මාධ්‍ය මඟින්ද විශාල ලෙස ප‍්‍රචාරය කර තිබිණ. මේ අනුව අජන්ත මෙන්ඩිස් තරණය කර ඇති නිලයන් පහත පරිදිය.
ලාන්ස් කෝප‍්‍රල්
සාජන්ට්
සාජන්ට් මේජර්
ආර්.එස්.එම්
ලූතිනන්
සාජන්ට්
සාජන්ට් මේජර්
ආර්.එස්.එම්
ලූතිනන්
කෝප‍්‍රල්වරයෙකු ලෙස හමුදාවට බැඳෙන පුද්ගලයෙකු බොහෝ විට සාජන්ට් මේජර් හෝ ඊට අඩු තනතුරකින් විශ‍්‍රාම යයි. සොල්දැදුවන්ගේ ඉහළම තනතුර ලෙස සැලකෙන ආර්.එස්.එම් තනතුර ඉක්මවා යන සොල්දාදුවෙක් ඉහළට යන්නේ කලාතුරකිනි. එහෙත්, පුදුමය නමු ක‍්‍රිකට් බෝල සෙල්ලමේ විකට් හයක් ගත් සැණින් එකරැයකින් මෙතරම් තනතුරු එක පිම්මට පැනිය හැකි වුවද ‘රණවිරුවන්’ නැමැති ලේබලය අලවා රැකියා නැති කමට දුෂ්කර ගම්බද පළාත් වලින් හමුදාවට බැඳී බංකර්වල සිටියදී මිය යන කොල්ලන්ට ජීවිත අහිමි කරගෙනත් ලබා ගත හැක්කේ එකම එක උසස්වීමක් පමණක් වීමය. ජීවිතය ‘මව්බිම’ වෙනුවෙන් පුද කළාට උසස්වීම් එකකි. ක‍්‍රිකට් බෝල සෙල්ලමේ විකට් හයක් ගැනීමට උසස්වීම් හයකි.
පුදුමය නම් මෙම උසස්වීම් ලබාදෙන්නේ යුද්ධයට තරුණයන් දිරිමත් කරනු ලැබූ රාජ්‍ය නායකයා වීමය.
මෙය අජන්ත මෙන්ඩිස්ව පෞද්ගලික ඉලක්ක කිරීමක් නොව යුද්ධය යනු දේශපාලන මිත්‍යාවක් බව එය මෙහෙයවන්නන් විසින්ම තීන්දුකොට ඇති බව දැක්වීම සඳහාය.
No comments:
Post a Comment