තාරා ශ‍්‍රී රාම්
කුමුදුනී සැමුවෙල්අධ්යක්ෂිකාකාන්තාව හා මාධ්‍ය සාමුහිකය
ලංකා දේශපාලනය තුළ සංඛ්‍යාත්මකව කාන්තා නියෝජනය අඩුයි කියන එක මමත් විශ්වාස කරනවා. නමුත් ඒකට හේතුව පක්ෂවලින් ඉදිරිපත් කරන කාන්තාවො ජයග‍්‍රහණය කරන්නෙ නැහැ කියන ප‍්‍රකාශය සහමුලින්ම වැරදි තර්කයක්. අපි මෙතෙක් කරල තියෙන පර්යේෂණ සහ විශ්ලේෂණ වලට අනුව ප‍්‍රධාන ධාරාවේ පක්ෂ ගත්තම හැමදාම ඔවුන් කාන්තාවන්ට ලබා දී තිබෙන්නෙ සීයට පහකට අඩු අපේක්ෂකත්වයක්. දේශපාලනය කළ හැකි දේශපාලනයේ නියැලෙන ගැහැණු නැහැ කියන්නෙ සම්පූර්ණයෙන් ම පුහු තර්කයක්. ඉදිරිපත් කළොත් කාන්තාවො දිනනවා. අනර්කලීගේ සුදුසුකම් ගැන මම කතා කරන්නෙ නැහැ. කුමන සාධක මත හෝ ඇය ඡන්දෙට ඉදිරිපත් වුණා වෙන්න පුළුවන්. මගේ ප‍්‍රශ්නය අනර්කලී වගේ කෙනෙක් දේශපාලන කරලියට ඇවිත් ඡන්දයට ඉදිරිපත් වෙනකොට ඇයි ඇයට මරණ තර්ජන කරන්නේ. ලිංගිකත්වය ඉස්මතු කරගෙන ඉතාම අසික්කිත ලෙස ඇගේ චරිතය ඝාතනය කරන්නෙ. අපි මේ ක‍්‍රියා සම්පූර්ණයෙන්ම හෙලා දකිනවා. දේශපාලනික වශයෙන් කාන්තාවන් මානසිකව හා ශාරීරිකව අඩපණ කිරීමේ උපක‍්‍රමයක් ලෙස අනර්කලීට විතරක් නෙවෙයි ලෝකෙ පළමු අගමැතිණිය වුණ සිරිමාවෝගේ පටන් ලිංගිකත්වය ඈදාගෙන පහර ගැසීම සිදු වුණා.අනර්කලී වෘත්තීය නිළියක්. ඈ අඳින්නෙ පළඳින්නෙ ඇගේ වෘත්තිය අනුව. ඒ මත පිහිටා දේශපාලනය තුළ ඇයව ගැරහීම අපි ප‍්‍රශ්න කළ යුතුයි. විජය සහ රන්ජන් කියන්නෙත් නළුවො. ඔවුන්ට මේ විදිහට අපහාස කළාද? මේවා ගෑණුන්ට කරන නින්දා. මට හිතාගන්න බැහැ ඇයි ප‍්‍රධාන ධාරාවේ දේශපාලන පක්ෂ දෙක ගමේ මහිලා සමිතියේ, සමෘද්ධි සමිතියේ, මරණාධාර සමිතියේ ක‍්‍රියාකාරීව කටයුතු කරන දක්ෂ දේශපාලන ඉතිහාසයක් තියෙන කාන්තාවන් සිටිත්දී දේශපාලනයේ නියැළී නැති කාන්තාවො පිටින් ගෙනත් ඉදිරිපත් කරන්න කියල. මේක කාන්තාවන්ට විතරක් නෙවෙයි අදාළ. ප‍්‍රවණතාවක් විදිහට කතා කළොත් පක්ෂ තුළ ගතානුගතිකව කාලයක් වැඩ කළ ගැහැණුන්ට සහ පිරිමින් සිටියදී සම්පූර්ණයෙන් ම වෙනත් කටයුතුවල නියැළී සිටි අය ඡුන්ද ලැයිස්තුවට දානවා අපි දකිනවා. මම අහනවා මේ පක්ෂවලින් එවැනි ගැහැණු පිරිමි තෝරා ගත හැකි අභ්‍යන්තර ප‍්‍රජාතන්ත‍්‍රවාදයක් ඔබලාගේ පක්ෂවල නැද්ද කියලා. පිරිසිදු යහ පාලනයක් ගැන කතා කරනවා එය සිදුවිය යුතුමයි. මම කියන්නෙ නැහැ ඉදිරිපත් වෙන හැම කෙනෙකුටම සුදුසුකම් තියෙනව කියල. නමුත් සුදුසුකම් ඇති අය හොයා ගන්න පක්ෂවලට හැකිවිය යුතුයි. ඒ වගේම අධිෂ්ඨානයක් තිබිය යුතුයි. එහෙම නොකරන තාක් ඔවුන්ට සිදුවෙනවා පිටින් ගෙනාපු ගැහැණු පිරිමි ඡුන්ද ලැයිස්තුවලට ඇතුළත් කරන්න.
Back to Home
View pdf
No comments:
Post a Comment