” විජාතික මරසෙන් පරදවා ලබාදුන් ජයග‍්‍රහණයට ඔබට පින් ”
ජාතික හෙළ උරුමය ජනාධිපතිවරණයට පසුව
කොළඹ නගරයේ අලවා තිබූ පෝස්ටරයක ඉහත කියමන සටහන් වී තිබුණි.
ඇමෙරිකානු රාජ්‍ය දෙපාර්තමේන්තුව විසින් දිනපතා පවත්වන මාධ්‍ය සාකච්ඡාවට ජනවාරි 28 වන දින සහභාගී වූ එම දෙපාර්තමේන්තුවේ සහකාර ලේකම් පිලිප් ජේ. ක්‍රෝලි විසින් ශ‍්‍රී ලංකාව පිළිබඳව මාධ්‍යවේදීන් විසින් මතු කරන ලද ප‍්‍රශ්න වලට පහත සඳහන් අයුරින් පිළිතුරු දී තිබුණි.
පරිවර්තනය: ප‍්‍රියලාල් සිරිසේන
ශ‍්‍රී ලංකාව සම්බන්ධයෙන් ගත් කළ, එහි පැවති මැතිවරණය පිළිබඳව හෝ විරුද්ධ පක්ෂ නායක හා ජනාධිපති ලෙස පත්වූ රාජපක්ෂ අතර ඇති ගැටුම පිළිබඳව අළුත් තොරතුරු කිසිවක් ඔබ සතුව තිබේද?
මැතිවරණ කොමසාරිස්තුමා ඡන්ද ප‍්‍රතිඵලය සහතික කර ඇති බව අපට දැනගන්නට ලැබුණා. මම හිතන්නේ ජනාධිපති රාජපක්ෂගේ ජයග‍්‍රහණයට සුභ පතා, කොළඹ පිහිටි එක්සත් ජනපද තානාපති කාර්යාලයෙන් ප‍්‍රකාශයක් නිකුත් කොට තිබෙනවා. අප මේ දෙස අවධානයෙන් බලා සිටින අතර ජෙනරාල් ෆොන්සේකාගේ ආරක්ෂාව සම්බන්ධයෙන් අප ඔහු සමග සාකච්ඡා කර තිබෙනවා. නමුත් අප හිතන්නේ දැන් ජනාධිපති රාජපක්ෂට ඔහු විසින් ආරම්භ කළ දේශපාලන විසඳුමක් ලබාදීමේ ක‍්‍රියාවලිය ඉදිරියට ගෙනයාමේ අවස්ථාව ද, පළාත් වලට වගකීම් බෙදාහැරීම මෙන්ම දෙමළ කොටි සංවිධානය සමග පැවති ගැටුමේ අවසන් අදියරේදී සිදුවූ දේ පිළිබඳව අදාල වගකිවයුත්තන්ගේ සම්පූර්ණ වගවීම (full accountability) සහතික කිරීමටද අවස්ථාවක් උදා වී තිබෙනවා.
ඔබලා විසින් දිරිගන්වමින් සිටින දේශපාලන විසඳුමක් ලබාදීමේ ක‍්‍රියාවලිය සම්බන්ධයෙන් ඔබලා ඔහුගෙන් බලාපොරොත්තු වන්නේ මොනවාද?
මම මෙහිදී කියන්නේ, ඔහු යම් පියවර කිහිපයක් ගෙන තිබෙනවා. අප එම පියවර සාදරයෙන් පිළිගන්නවා. නමුත් පැහැදිළිවම මෙම මැතිවරණය පැවැත්වීම පවා ඉදිරි පියවරක්. මම හිතන්නේ මෙය ශ‍්‍රී ලංකාවට වසර 20කින් පමණ පවත්වන්නට හැකිවූ පළමු ජාතික මට්ටමේ මැතිවරණයයි. ඡන්දය ප‍්‍රකාශ කිරීම සමහර පළාත් වලදී එතරම් විශාල නැතිබව අප පිළිගන්නා නමුත් පොදුවේ ඉතා ඉහළ අගයක් ගන්නවා. ඉතින් මෙම මැතිවරණයත් සමග ශ‍්‍රී ලාංකික සමාජයේ පවතින බෙදීම සුවපත් කිරීමට වැඩකිරීම සඳහා අවස්ථාවක් උදා වී තිබෙනවා. ඔහුගේ තේරී පත්වීමත් සමග ඔහුට (ඒ සඳහා) දැඩි වගකීම් සමූහයක් ද පැවරෙනවා. ඒ සම්බන්ධයෙන් අප ඔහු සමග දිගින් දිගටම කටයුතු කරනවා.
ඔබ පැවසුවා එක්සත් ජනපදය ජෙනරාල් ෆොන්සේකා සමග අදහස් හුවමාරු කරගත් බව. එම සම්බන්ධතා වල ස්වභාවය කුමක්ද?
ශ‍්‍රී ලංකාව තුළ ඔහුගේ ආරක්ෂාව සම්බන්ධයෙන් ගැටළු මතු වී තිබේද?
ඔව්, ඔහු ඒ පිළිබඳව අදහස් ප‍්‍රකාශ කර තිබෙනවා. මම හිතන්නේ අපගේ තානාපති කාර්යාලය ඔහු සමග සම්බන්ධතා පවත්වා තිබෙනවා. අප ඔහුගේ අනාගත අපේක්ෂා මොනවාද යන්න පැහැදිළි කර ගැනීමට සහ සුදුසු නම් ඔහුට සහාය වීමට දිගටම ඔහු හා සම්බන්ධතා පවත්වනවා.
Back to Home
View Pdf
Subscribe to:
Post Comments (Atom)
No comments:
Post a Comment